Ukraynanın yeni təyin olunmuş təhsil və elm naziri Oksen Lisovoy öz namizədlik dissertasiyasını plagiat proqramında yoxlatmaq üçün ali təhsildə keyfiyyətin təmin edilməsi üzrə Agentliyə təqdim edib.

AzEdu.az xəbər verir ki, bu təşəbbüs cəmiyyətdə təhsil və elm nazirinin dissertasiyasının plagiat olması barədə məsələ qaldırıldıqdan sonra ortaya  atılıb. Son günlər bu barədə Ukraynadakı sosial şəbəkələrdə ciddi müzakirələr gedir.

Oksen Lisovoyun dediyinə görə, onun dissertasiyasında hər hansı bir qanunsuzluq aşkar edilərsə, elmi dərəcədən imtina etməyə hazırdır və hamıdan çox nəticənin elan olunmasını gözləyir.

Amma dissertasiyada qanunsuzluq aşkar edildiyi təqdirdə Lisovoyun nazir vəzifəsində qalıb-qalmayacağı barədə məlumat verilmir.