Ussuriyskdən olan Eva Belova Rusiyada keçirilən “Dünya Modeli 2023” Uşaq Beynəlxalq Gözəllik Müsabiqəsinin qalibi olub. İndi qızın cəmi 4 yaşı var.

AzEdu.az saytı Rusiya KİV-nə istinadən xəbər verir ki, münsiflər heyəti yekdilliklə bu modelə səs veriblər.

Yekun sınaqlar bir gün əvvəl Moskvada başa çatıb. Rusiyanın müxtəlif regionlarından olan 45 iştirakçı ən gözəl qız adı uğrunda mübarizə aparıb.

Müsabiqədə digər iştirakçılarla yanaşı, Qırğızıstan və Belarusdan olan namizədlər də iştirak ediblər.

Münsiflər heyətinə məşhur rusiyalı rəssamlar, media və moda sənayesinin nümayəndələri daxil idilər.

Yekdil qərarla Eva Belovanın müsabiqənin qalibi olması təsdiqlənib.