Telejurnalist Ceyhun Rzayevin intihar çağırışı ilə əlaqədar Daxili İşlər Nazirliyi (DİN) tərəfindən təcili müdaxilə edilib.

AzEdu.az xəbər verir ki, bunu DİN-in mətbuat xidmətinin şöbə rəisi, polis polkovnik-leytenantı Elşad Hacıyev bildirib.

E.Hacıyev deyib ki, o, fikrindən daşındırılaraq polis orqanına dəvət edilib:

"Onu narahat edən hallar (ailə münaqişəsi-red.) araşdırılır. Zəruri olan tədbirlərin görülməsi təmin ediləcəkdir".

Qeyd edək ki, telejurnalist Ceyhun Rzayev intihar edəcəyini bildirmişdi.


Bunan səbəb onun həyat yoldaşı və iki qızı ilə birlikdə 8 ildir yaşadığı mənzildən çıxarılmasıdır.

C.Rzayevi mənzildən çıxaranlar isə onun öz ata-anası və bacısıdır. Bu haqda jurnalistin özü əvvəlki açıqlamalarında bildirmişdi.