Müəllimlərin işə qəbulu üzrə (MİQ) müsabiqənin test imtahanı mərhələsinin ilk günündə ən yüksək nəticə qeydə alınıb.

Bu barədə AzEdu.az-a Elm və Təhsil Nazirliyindən məlumat verilib.

Bildirilib ki, dünən MİQ imtahanlarının ikinci seansında kimya fənni üzrə namizədlər arasında ən yüksək bal toplayan Rəqsanə Həsənova olub.

Qeyd edək ki, dünənki imtahanların ilk seansına riyaziyyat fənni üzrə 4 400, ikinci seansına isə fiziki tərbiyə və kimya fənləri üzrə 5 430 namizəd dəvət olunmuşdu.

Ümumilikdə 58 000-ə yaxın namizədin iştirak edəcəyi test imtahanları 11-15 iyul tarixlərində ölkənin 13 şəhəri üzrə 29 imtahan mərkəzində keçiriləcək.

Müsabiqəyə ümumilikdə 10 min vakant yer çıxarılıb.