Elm və Təhsil Nazirliyinin Geologiya və Geofizika İnstitutunun təşkilatçılığı ilə oktyabrın 10-dan 13-dək “Geoinformatika, georesurslar, geoekologiya” mövzusunda gənc alim və tələbələrin IX ənənəvi beynəlxalq elmi konfransı keçiriləcək.
AzEdu.az xəbər verir ki, İnstitutdan bilverilən məlumata görə, Ümummilli Lider Heydər Əliyevin 100 illik yubileyinə həsr olunan konfransda 10-dan artıq ölkədən nümayəndələr iştirak edəcəklər. Tədbirdə xarici ölkə alimləri ustad dərsləri keçəcəklər.
Oktyabrın 10-11-də müxtəlif bölmələr üzrə elmi müzakirələr aparılacaq. Növbəti gün poster müzakirələr, konfransın nəticələrinin müzakirəsi və sertifikatların verilməsi mərasimi keçiriləcək. Konfransın sonuncu günü isə tədqiqatlarda iştirak, geoloji obyektlərə ekskursiya təşkil olunacaq.
