Bakı Mühəndislik Universitetinin (BMU) tələbələri üçün növbəti infotur təşkil olunub.

Azedu.az xəbər verir ki, bu barədə BMU-dan məlumat verilib. 

Universitetin Müəssisələrlə əlaqələr və karyera departamentinin və Sahibkarlıq Akademiyasının birgə təşkilatçılığı ilə “Ulduz” Şokolad Fabrikinə baş tutan infoturda mühəndislik ixtisaslarında oxuyan tələbələr iştirak ediblər.

Ekskursiya zamanı tələbələrə fabrikin yaranma tarixi, yerli qida müəssisəsi kimi qənnadı bazarında tutduğu mövqe, istehsal qabiliyyəti, təcrübəsi, məhsulları və s. haqda məlumat verilib.

Sonra tələbələr fabrikdə istehsal prosesi ilə yaxından tanış olublar.