Azərbaycan Dövlət İqtisad Universitetinin (UNEC) Maliyyə və mühasibat fakültəsinin tələbələri “EY Azərbaycan” şirkəti tərəfindən həyata keçirilən “Inspiring JournEY” adlı layihənin qonağı olublar.

Universitetdən AzEdu.az-a bildirilib ki, tədbirdə tələbələrin layihənin ilk qonağı olan “Zira Natural” şirkətinin təsisçisi və “EY İlin İş adamı 2022” müsabiqəsinin qalibi Afət Əhmədova ilə görüşü baş tutub. Afət Əfəndiyeva tələbələrlə biznes ideyaların reallaşdırılması, analitik düşüncənin və idarəetmə bacarıqlarının inkişaf etdirilməsi ilə bağlı təcrübəsini bölüşüb.

Tədbirin sonunda tələbələri maraqlandıran suallar cavablandırılıb.