Azərbaycan Dillər Universitetinin rektoru, tanınmış yazıçı Kamal Abdullanın "Unutmağa kimsə yox” romanı ikinci dəfə nəşr olunub.

 

AzEdu.az xəbər verir ki, yazıçının son illərin ən çox müzakirə olunan bu əsəri Qanun Nəşriyyatında çap edilib.

 

Qeyd edək ki, bu Kamal Abdullanın hələlik son romanıdır. Əsərdə gənc alim naməlum bir çiçəkli yazıda hamının gözlədiyi müharibələrin, padşahların, sərkərdələrin tarixini yox, bir sevgi məktubunu deşifrə edir. Paralel dünyalar, möhtəşəm ahəng, hadisələrin üfüqü, çiçəkli yazı... Bütün bunlar ilk baxışda sadə bir hadisənin fonunda əsər boyu canlı kimi nəfəs alır...