Tələbələri ən çox maraqlandıran suallardan biri də təhsil səviyyələri üzrə təqaüdlərin miqdarıdır. Təqaüdlərin ən son artımı 2023-cü il yanvarın 1-dən həyata keçib.

AzEdu.az təhsil səviyyələri üzrə ən son təqaüd miqdarını təqdim edir:

Doktorantura pilləsi üzrə:

Elmlər doktoru hazırlığı üzrə doktorantlara – 400 manat;

Fəlsəfə doktoru hazırlığı üzrə doktorantlara – 240 manat.

Ali təhsil müəssisələrində və Azərbaycan Milli Elmlər Akademiyasında:

Magistratura səviyyəsi üzrə:

1. kademik göstəriciləri 91–100 bal olan tələbələrə – 195 manat;
2. akademik göstəriciləri 71–100 bal olan tələbələrə – 160 manat;
3. akademik göstəriciləri 51–100 bal olan tələbələrə – 110 manat;

Bakalavriat səviyyəsi üzrə:

1. akademik göstəriciləri 91–100 bal olan tələbələrə – 175 manat;
2. akademik göstəriciləri 71–100 bal olan tələbələrə – 145 manat;
3. akademik göstəriciləri 51–100 bal olan tələbələrə – 100 manat.

Orta ixtisas (Kollec) təhsili müəssisələrində:

1. akademik göstəriciləri 91–100 bal olan tələbələrə – 100 manat;
2. akademik göstəriciləri 71–100 bal olan tələbələrə – 80 manat;
3. akademik göstəriciləri 51–100 bal olan tələbələrə – 66 manat.

Peşə təhsili müəssisələrində:

1. akademik göstəriciləri “5” (yüksək texniki peşə təhsili səviyyəsində 91–100 bal) olan tələbələrə – 100 manat;
2. akademik göstəriciləri “4” və “5” (yüksək texniki peşə təhsili səviyyəsində 71–100 bal) olan tələbələrə – 80 manat;
3. akademik göstəriciləri “3”–“5” (yüksək texniki peşə təhsili səviyyəsində 51–100 bal) olan tələbələrə – 66 manat.

Qeyd edək ki, 2024-cü il üçün tələbə təqaüdlərindəki artımla bağlı hər hansı bir qərar qəbul edilməyib.