Elm və təhsil naziri Emin Əmrullayev iyulun 19-da Xaçmaz şəhərində vətəndaşları qəbul edəcək.

Nazirlikdən AzEdu.az-a bildirilib ki, qəbulda Xaçmaz, Quba, Qusar, Siyəzən və Şabran rayon sakinləri iştirak edə bilərlər. Adları çəkilən rayonların sakinləri iyulun 15-i saat 18:00-dək Elm və Təhsil Nazirliyinin Çağrı Mərkəzinin 146 – 2 və 146 – 6 nömrəli telefonlarına (yalnız iş günləri və saatları ərzində) zəng etməklə qəbula yazıla bilərlər. Bununla yanaşı, nazirliyin rəsmi saytının edu.gov.az/az/contact_us bölməsinə elektron formada və ya +994 51 206 78 48 nömrəsinə vatsap vasitəsilə müraciət göndərmək mümkündür.