Dövlət İmtahan Mərkəzinin (DİM) təlimatına əsasən, 2024/2025-ci tədris ili üzrə bakalavriat səviyyəsinə qəbul olmuş abituriyentlər 28 avqust saat 09:00-dan 6 sentyabr saat 18:00-dək qeydiyyatdan keçməlidir.

 

 

Bu barədə AzEdu.az-a Qarabağ Universitetindən məlumat verilib.

 

 

Universitetdən bildirilib ki, qeydiyyat https://portal.edu.az platforması vasitəsilə həyata keçirilir. Yaradılan kabinetə daxil olduqdan sonra təqdim edilən xidmətlər sırasından “Ali və orta ixtisas təhsil müəssisələrinə təhsilalan qeydiyyatı” xidməti seçilməli və qeydiyyatdan keçib sorğu göndərilməlidir.

 

https://portal.edu.az platformasında qeydiyyatdan keçməyən şəxslər DİM tərəfindən qəbul olunmamış şəxs kimi hesab ediləcək və barəsində qəbul əmri verilməyəcəkdir.

 

Qeydiyyatdan keçmiş tələbələr 16-20 sentyabrda qeydiyyat üçün tələb olunan sənədləri fakültəyə təqdim etməlidir.

 

Tələb olunan sənədlər aşağıdakılardır:

 

şəxsiyyət vəsiqəsinin surəti;

 

tam orta təhsilini başa vurması haqqında sənəd (attestatın əsli);

 

oğlanlar üçün hərbi bilet və ya çağırış məntəqəsinə təhkim edilmə haqqında vəsiqə;

 

sağlamlıq haqqında tibbi arayış;

 

4 ədəd fotoşəkil (3x4 ölçüdə).