2024-cü il sentyabrın 7-də Bakı Mühəndislik Universitetində (BMU) növbəti TOEFL iBT imtahanı təşkil olunub. İmtahanda 15 nəfər iştirak edib.
Universitetdən AzEdu.az-a bildirilib ki, iştirakçılar yekun nəticələrini ETS-in saytında yaradılmış şəxsi hesab vasitəsilə imtahandan 6 gün sonra onlayn şəkildə öyrənə bilərlər.
BMU xarici ölkələrdə təhsil almaq üçün tələb olunan dil və bacarıqların qiymətləndirilməsi ilə əlaqədər beynəlxalq imtahanların təşkilində uğurlu təcrübəyə malikdir. Universitetdə TOEFL iBT ilə yanaşı, GRE və SAT beynəlxalq imtahanları da təşkil olunur.
Cari ilin qarşıdakı dövrü ərzində keçirilməsi nəzərdə tutulan imtahanlarla bağlı hər hansı əlavə məlumat almaq üçün [email protected] və ya [email protected] email adreslərinə müraciət edə bilərsiniz.
