LDU Çexiya universitetləri ilə əməkdaşlıqda maraqlıdır.

AzEdu.az xəbər verir ki, bu sözləri Lənkəran Dövlət Universitetinin rektoru vəzifəsini icra edən professor Natiq İbrahimov  Çexiya Respublikasının Bakıdakı səfirliyinin missiya rəhbərinin müavini Daniel Putiklə söhbəti zamanı deyib. 

Bu ali təhsil ocağına səfər edən qonaqlara Lənkəran Dövlət Universiteti (LDU) barədə ətraflı məlumat verən professor Natiq İbrahimov Azərbaycan təhsilinin Avropaya inteqrasiyası istiqamətində görülən işlərdən, gələcək prespektivlərdən, qarşıya qoyulan hədəflərdən danışıb.Universitet rəsmisi qonaqların marağına uyğun olaraq onlara ekologiya və aqrar yönümlü fakültələrin işindən, mütəxəssislərin hazırlanması istiqamətlərindən söz açıb, bu sahədə  xarici ölkə universitetlərinin qabaqcıl təcrübəsindən yararlandıqlarını vurğulayıb. Eyni zamanda , tələbələrə  praktik vərdişlərin aşılanmasında böyük rol oynayan  modern laboratoriyaların xaricdən gətirilərək  universitetdə quraşdırıldığını deyən N.İbrahimov qonaqları maraqlandıran meşəçilk , turizm və otelçilk ixtisalarında kadrların hazırlanma vəziyyətindən də bəhs edib,  Çexiya universitetləri ilə qarşılıqlı əməkdaşlığa  maraqlı olduqlarını deyib, tələbə-müəllim mübadiləsinin, birgə elmi konfransların keçirilməsinin , elmi tədqiqatların aparılmasının vacibliyini qeyd edib.

Səmimi qarşılanmaya və ətraflı məlumata görə minnətdarlıq bildirən cənab Daniel Putik Çexiya universitetləri ilə LDU  arasında əlaqələrin yaradılmasına vasitəçi olacaqlarını, bu istiqamətdə hər iki tərəfə yardım edəcəklərini deyib.

Görüşdən sonra  Daniel Putikin rəhbərlik etdiyi nümayəndə heyəti  cənub bölgəsinin  zəngin flora və faunası ilə  yaxından tanış olmaq məqsədi ilə Hirkan Milli Parkına səfər edib.