Dövlət İmtahan Mərkəzi Vəkillər Kollegiyası ilə birgə 2018-ci il dekabrın 23-də Vəkillər Kollegiyasına üzv olmaq istəyən namizədlər üçün test imtahanı keçirib.
AzEdu.az xəbər verir ki, imtahanı saat 10.00-da başlayıb və 3 saat davam edib. İmtahan kompüterlər vasitəsilə elektron qaydada aparılıb. Namizədlər imtahanı bitirdikdən dərhal sonra onlara nəticələri haqqında arayış təqdim olunub.
Xatırladaq ki, imtahanda iştirak etmək üçün 150 namizəd qeydiyyatdan keçib. 12 namizəd imtahana gəlməyib. İmtahanda iştirak edən 138 namizəddən 106 nəfər müsabiqə şərtini ödəyərək – 60 və daha yüksək bal toplayaraq ikinci mərhələyə – müsahibəyə buraxılıb.
Ən yüksək nəticə toplanıla biləcək maksimal 100 baldan 94 bal olub.
