Yeni təhsil proqramları əsasında markerlərin hazırlanması ilə bağlı 17 oktyabr – 28 dekabr  tarixlərdə Azərbaycan dili, rus dili, riyaziyyat, fizika, kimya, biologiya, coğrafiya, ingilis dili və tarix fənlərindən keçirilən hazırlıq kursları fəaliyyətini başa çatdırıb. 

AzEdu.az xəbər verir ki, hazırlıq kurslarında müvafiq fənn kurikulumu və imtahanda yoxlanılması və qiymətləndirilməsi mümkün olan alt standartlar haqqında məlumat verilib, yeni tipli tapşırıqların formaları, məzmunu, situasiya tapşırıqlarının və qiymətləndirmə meyarlarının hazırlanması ilə bağlı təqdimatlar dinlənilib, kurs iştirakçılarının hazırladığı ev tapşırıqları müzakirəyə təqdim edilib. Sonda kurs iştirakçıları kalibrləmə prosesində iştirak ediblər. 

Bu müddət ərzində Xaçmaz, Biləsuvar, Gəncə, Göyçay və Şirvan şəhərlərində də hazırlıq kursları təşkil edilib. Bakı şəhərində keçirilən kurslarda 287 nəfər, regionlarda 150 nəfərə yaxın müdavim iştirak edib. Yanvar ayında müdavimlərə sertifikatlar təqdim ediləcək.