Sentyabrın 12-də Bakı şəhəri təhsil işçilərinin ənənəvi təhsil konfransı keçirilib.

AzEdu.az xəbər verir ki, konfransda çıxış edən təhsil naziri Ceyhun Bayramov ibtidai təhsildən danışıb:

"Burada olan hər kəs, hər bir təhsil işçisi bilir ki, təhsilin təməli ibtidai təhsildən başlayır. Bir neçə il öncə 500 baldan yüksək toplayan cəmi bir nəfər tələbə ibtidai sinif müəllimliyi ixtisasını seçmişdi. Bu il isə 500 baldan yüksək nəticə toplayan 235 nəfər bu ixtisası seçib. Mən hesab edirəm ki, bu, bizim birlikdə gördüyümüz işlərin nəticəsidir. Bütün bu nəticələr növbəti illərdə də təhsil islahatlarının davam etdirilməsinə daha nikbin baxmağa ümid verir".