Sertifikatlaşdırmadan keçən müəllimlərin nəticələri onlayn olaraq onların şəxsi səhifələrinə göndərilir. Qanunvericiliyə müvafiq olaraq imtahan nəticələrindən narazı qalan müəllimlərin bir ay müddətində apellyasiyaya müraciət etmək imkanları var.

AzEdu.az xəbər verir ki, bunu Təhsil İnstitutunun İnsan resursları mərkəzinin direktoru Nurlan İsmayılbəyli deyib.

Onun sözlərinə görə, müəllimlər elektron qaydada onları narahat edən məqamlarla bağlı apellyasiyaya müraciət edə bilərlər:

"Sertifikatlaşma prosesində ilk dəfə uğur qazanmayan müəllimlər üçün təlimlər təşkil olunur. Həmin müəllimlər iş yeri saxlanmaqla bir il müddətində fəaliyyətlərinə davam edirlər. Onlar növbəti il təkrar sertifikatlaşmaya cəlb olunacaqlar".