Bu gün ali təhsil müəssisələrinin Musiqi sənəti istiqaməti üzrə ixtisas fənninə aid qabiliyyət imtahanlarına start verilib. İmtahanlar Bakıda, Bülbül adına orta ixtisas musiqi məktəbində keçirilir.

AzEdu.az xəbər verir ki, ilk gün İnstrumental ifaçılıq (18, 19, 20, 22-ci komissiyalar), Vokal sənəti (24-cü komissiya), Dirijorluq (27-ci komissiya), Musiqişünaslıq (30‑cu komissiya) ixtisasları üzrə qeydiyyatdan keçən 120 abituriyentin imtahanda iştirakı nəzərdə tutulur.

İmtahanlar 2 növbədə təşkil olunur və 5 iyul tarixinədək davam edəcək.

Abituriyentlər imtahana gələrkən şəxsiyyət vəsiqəsinin əsli, buraxılış vərəqəsi və proqram formasını özləri ilə gətirməlidirlər.