Son zamanlar dünyada “yırtıcı” jurnalların sayı artıb. Belə jurnalların avtomatik aşkarlanması üçün intellektual sistemin işlənilməsi xüsusi əhəmiyyət kəsb edir.

AzEdu.az  xəbər verir ki, bu fikri AMEA-nın akademik-katibi, İnformasiya Texnologiyaları İnstitutunun direktoru, akademik Rasim Əliquliyev söyləyib. O bildirib ki, rəhbərlik etdiyi elmi müəssisədə “Antiplagiat” qrupu fəaliyyət göstərir. Bu sahədə görülən işlər barədə danışan alim institutda “antiyırtıcı” sistemin hazırlandığını deyib.

Qeyd edək ki, “antiyırtıcı” sistemdə qeyd olunan tələbləri ödəyən jurnallar “yırtıcı” hesab olunmur. (AZƏRTAC)