Dükan sahibi kitab oxuyub əsəri onu danışana hədiyyə verir. 

 

AzEdu.az Moderator.az-a istinadən  xəbər verir ki, maraqlı hadisə qardaş Türkiyədə baş verib. Uysal adlı mağaza digərlərindən fərqlənir. Buna səbəb isə dükan sahibinin uşaqlara qarşı ibrətamiz addımıdır. Kitab oxuyan uşaqlara hədiyyə vermək ideyası isə ötən il Qənbər Bozanın oğlu  Fırat Bozan tərəfindən təşkil olunub.

 

Fırat Bozan bildirib ki, o, uşaq vaxtlarından atasına gömək edib və dükana gələn uşaqlara mal gələn vaxtı iş tapşırıb qarşılığında onlara hədiyyə verir. Sonra isə bu qaydanı dəyişərək dükana gələn uşaqlara kitab verib və deyib ki, oxuyub gəlib mənə danışsan, hədiyyə verəcəm. Bu ənənə uşaqlar arasında böyük rəqabətə səbəb olub və məhəllədə yaşayan uşaqlar hədiyyə qazanmaq üçün sanki yarışa giriblər. 

 

Dükanda kitab sayını artırmaq üçün Fırat atası Qəmbərdən bura uşaq kitabları almasını xahiş edib. Çeşidli kitablarla zənginləşdirilən dükan indi daha çox kitab mağazasını xatırladır. Doğrudan da dünyada kitabı bu cür təbliğ edən insanlar varsa, yaşamağa dəyər