Yaponiyanın Elmi Fəaliyyət və Texnologiyalar Nazirliyi ABŞ-ın kosmik stansiya yaradılması layihəsində iştirak etmək məqsədilə gələn maliyyə ili üçün büdcəyə maliyyə sorğusu vermək niyyətindədir.

AzEdu.az xəbər verir ki, layihə “Gateway” stansiyasının Ay orbitinə çıxarılmasını nəzərdə tutur. Plana əsasən layihənin 2026-cı ildə yekunlaşacağı gözlənilir.

Yaponiya hökuməti cari ilin sonunadək layihədə iştirakını bəyan etmək niyyətindədir.

Nazirlik layihədə iştirak etmək üçün 2020-ci ilin aprelində başlanacaq növbəti maliyyə ilində təqribən 15 milyard yen (140 milyon dollar) vəsait üçün sorğu verməyi planlaşdırır.(AZƏRTAC)