ABŞ Milli Aeronavtika və Kosmos İdarəsinin (NASA) kosmonavtları Kristina Kuk və Endrü Morqan dünən Beynəlxalq Kosmik Stansiyasında batareyaları dəyişmək üçün açıq kosmos ekspediyasını uğurla başa vurublar. 

AzEdu.az TASS-a istinadən xəbər verir ki, əməliyyat NASA tərəfindən canlı yayımlanıb. 

Əməliyyat planlaşdırılan vaxtdan yarım saat artıq, təxminən, yeddi saat davam edib və ABŞ-ın Şərq sahilində yerli vaxtla gecə saat 02:40-da başa çatıb.

Əməliyyata cəlb olunan manipulyatoru stansiyadan Cesika Meyr idarə edib. 

Kosmonavtlar köhnə hidrogen-nikel hüceyrələrinin yerinə iki yeni litium-ion batareyası quraşdırmağa başladılar. 16, 21 və 25 oktyabrda kosmik yollarda yeni batareyaları quraşdırmağa davam edə biləcəklər.