69 yaşlı kollec müəllimü öz tələbələrinə fizika dərsini qeyri-adi təcrübələri ilə sevdirib. Onun dərsi ilə bağlı 18 yaşlı tələbəsinin yaydığı sonunucu videosuna 20 milyondan artıq baxılıb.

Bu barədə “Daily Mail” xəbər verib.

Bildirilir ki, fəlsəfə üzrə professor Devid Rayt Virciniya ştatında “Tidewater Community College”də 45 ildir ki, müəllimlik edir.

“Dərs deməkdən özüm zövq almıramsa, onların da bu fənni sevməyəcəyini düşünürəm”, - deyə professor bildirib.

Dr. Rayt fizikanın çox darıxdırıcı fənn kimi nüfuz qazandığını, bu səbəbdən dərsə həvəs yaratmaq üçün müxtəlif üsullara əl atdığını etiraf edib.

O, hər hansı fiziki qanunu sübut etmək üçün çox vaxt təcrübələri öz üstündə keçir.