P.Stradınış adına Riqa Universitetinin “Smart Umbrella” tələbə komandası insult təhlükəsi barədə vaxtında xəbər verən filtr-implant hazırlayıb.

AzEdu.az-ın məlumatına görə, AZƏRTAC  LETA agentliyinə istinadla xəbər verir ki, komandanın məqsədi tromb səbəbindən beyin damarlarına qan getmədikdə meydana çıxan insulta dəqiq diaqnoz qoymaqdır.

Komandanın həmtəsisçisi, tələbə Viktoriya Luize Katarina Şefa söyləyib ki, filtrin topladığı məlumat həm pasiyent, həm də onun həkimi üçün əlçatan olacaq.

Qeyd edək ki, “Smart Umbrella” komandası ötən ilin dekabr ayında Avropa İnnovasiya və Texnologiya İnstitutunun “EIT Health” müsabiqəsinin üç laureatı sırasına daxil olub. Yarışda ümumilikdə 33 komanda iştirak edib.