3 milyard il bundan öncə Yer planetində, demək olar ki, quru ərazi mövcud olmayıb.

AzEdu.az xəbər verir ki, uzun müddət aparılan tədqiqatlardan sonra əldə olunan belə bir nəticə "Nature Geoscience" jurnalında dərc olunub.

Tədqiqatçılar bildiriblər ki, çox  öncə Yer bütünlüklə okeanlardan ibarət imiş. Belə bir qənaətə isə onlar qədim okean süxurlarını təhlil etdikdən sonra gəliblər.

Lakin tədqiqatçılar əlavə ediblər ki, dünya ərazisinin sudan ibarət olduğunu iddia edərkən bu, o demək deyil ki, ümumiyyətlə, quru ərazilər olmayıb. Çox güman ki, bəzi ərazilərdə okean sularının arasında mikroqitələr də gözə dəymişdir.