Donald Tramp administrasiyası Ayda faydalı qazıntıların hasilatı barədə beynəlxalq müqavilə hazırlayır.

“Reuters” xəbər verir ki, layihəyə bir sıra ölkələrin qatılması planlaşdırılır.

“Artemis Accords” adını alacaq anlaşmaya əsasən, gələcəkdə tikiləcək müvafiq bazaların ətrafında “təhlükəsizlik zonaları yaradılacaq”.

Bu zonalar yaxın məsafədə fəaliyyət göstərən ölkə və ya şirkətlərin bir-birinə ziyan vurmamasını təmin edəcək.

Bundan əlavə, sənədə əsasən peykimizin ehtiyatlarını hasil edən şirkətlər həmin faydalı qazıntıların sahibi olacaq.