Rusiyalı virusoloq, professor Anatoli Alşteyn evdə koronavirusa yoluxma riski barədə danışıb.

Bu barədə 5-tv.ru xəbər yayıb.

Alimin sözlərinə görə, virusa yemək və su vasitəsilə də yoluxmaq mümkündür. Bu zaman xəstəlik bağırsaq infeksiyası kimi təzahür edəcək.

O, qaynadılmış su içməyi, meyvə və tərəvəzləri yumağı və isti su ilə yaxalamağı tövsiyə edib.

Virusoloq bunu bağırsaq infeksiyalarının qarşısını almaq üçün normal qabaqlayıcı tədbir kimi qiymətləndirib.

Alşteyn virus daşıyıcıları ilə ünsiyyət zamanı hansı tədbirlərə riayət etməyin lazım olduğunu açıqlayıb:

“Maska taxıb, əlləri mütəmadi yumaq lazımdır. Çalışın, insanlarla məsafə saxlayın; ünsiyyətdə olduğunuz şəxs potensial virus daşıyıcısı ola bilər”.