Rusiyanın Volqoqrad şəhərində 17 yaşlı azərbaycanlı tələbəni qətlə yetirən şəxs saxlanılıb.

 AzEdu.az  xarici mətbuata istinadən xəbər verir ki, cinayət işi ilə əlaqədar tutulan 22 yaşlı Volqoqrad şəhər sakini Vitali Vasilyev həmyerlimizi “irqi düşmənçiliyə görə” bıçaqladığını etiraf edib.

Qeyd edək ki, iyunun 13-də Volqoqrad şəhərinin Voroşilov rayonunda Azərbaycan vətəndaşı Timur Qavrilovun cəsədi tapılıb. Tələbə yataqxanasının yanında xüsusi amansızlıqla qətlə yetirilən Azərbaycan vətəndaşının 17 yaşı olub. O, Volqorad Tibbi Universitetinin I kursunda təhsil alırmış.

Məlum olub ki, dostlarıgildən gələn Timur naməlum şəxs tərəfindən 20 bıçaq zərbəsi ilə qətlə yetirilib. Cinayəti törədən şəxs hadisə yerindən qaçıb.