Rusiya Müdafiə Nazirliyinin Qamaleya adına Milli Epidemiologiya və Mikrobiologiya Tədqiqatları Mərkəzi ilə birlikdə həyata keçirdiyi koronavirus peyvəndinin kliniki sınaqları tamamlanıb.

AzEdu.az  xəbər verir ki, paytaxt Moskvadakı Burdenko Hərbi Hospitalında 20 nəfərlik ikinci könüllü qrup üzərində aparılan testlər uğurlu nəticə verib.

Belə ki, peyvəndləmədən sonra aparılan analizlərdə könüllülərdə virusa qarşı immun sisteminin yarandığı müşahidə edilib. Heç kimdə yan təsirə rast gəlinməyib.

Əldə olunan nəticələr əvvəlcə Qamaleya Mərkəzinə göndəriləcək. Daha sonra peyvənd dövlət tərəfindən təsdiq olunacaq.

Qeyd edək ki, kliniki sınaqların ilk mərhələsi 18 iyunda Seçenov İlk Dövlət Tibb Universitetində aparılmışdı.(Publika.az)