AzEdu.az "Məktəbdən səngərə" rubrikası çərçivəsində növbəti məktubu təqdim edir:

 

 

Salam, əziz Dostum !

 

Hər uğurlu  addımınla   qürur duyuram. İgidliyin, qəhrəmanlığın bir  müəllim dostun kimi məni çox sevindirir.

 

 

     Əziz Dostum!Əsgərlik peşə deyil,müqəddəs amaldır.Məndən fərqin  bu yağışlı, küləkli günlərdə qorxmadan gəzdiyin səngərdə böyük tarix yazmağındır. Belə də olmalıdır. Axı "Vətən- Əsgər əmanəti " deyilmişdir.

 

 

 

Vətən savaşının bu gün 12-ci günüdür. Cəbrayıl rayonu və kəndləri, Füzulinin bir neçə kəndi, Murov dağı silsiləsindəki Murov zirvəsi , bir sıra strateji yüksəkliklər  mənfur düşməndən azad olunub. Bu böyūk uğurun  müəllifi sənsən- Əziz Dostum ! Sənə təşəkkür edirəm.Dualarım səninlədir. Hz.Əlinin qılıncının gücü, Hz.Hûseynin iradəsi, Hz.Əbəlfəzl Ağanın qeyrəti daim sənə kömək olsun.

 

 

O gün olsun üçrəngli bayrağımız Şuşada,Laçında, Kəlbəcərdə dalğalansın.Məncə, o gün uzaqda deyil, yaxındadır. Belə cəsarətli danışmağım sənə olan inamımın bariz nümunəsidir.

 

Əziz Dostum,sonda bir bəndlik şeir sovqatımı qəbul etməyi səndən rica edirəm.

 

Gur səsin qoy titrətsin,

Duysunlar haqqın səsin,

Hey  zəfərə  tələsin,

AZƏRBAYCAN ƏSGƏRI