Dünyada təxminən beş insanın sizinlə tam eyni görünüşə sahib olduğuna inanılır.

Əlbəttə ki, tamamilə oxşar insanları tapmaq mümkün deyil, lakin məşhurların oxşarları, həqiqətən, zövq verir.

Belə ki, bu ilin oktyabr ayının sonunda “Sharmoofer” ləqəbli “Twitter” istifadəçisi suyun iki damlası kimi dahi fizik Albert Eynşteynə bənzəyən bir adamla şəkil paylaşıb.

“Reddit” və digər saytların istifadəçiləri sayəsində görüntü sürətlə internetdə yayılıb.

Məlum olub ki, “Eynşteyn” Küveytdə yaşayır. O, ölkəsində məşhurlaşıb və artıq küçədən keçəndə onunla şəkil çəkdirmələrini istəyən insanlara təəccüblənmir.