“İşğaldan azad olunan məktəblərin bərpası addım-addım və planlı şəkildə  həyata  verəcək”.

AzEdu.az xəbər verir ki, bunu Təhsil naziri Emin Əmrullayev ATV-də yayımlanan  “ATV Aktual”  verilişində deyib.

O, azad olunan ərazilərdə tədrisin bərpasından söz açıb:

“Qarabağa qayıdış özlüyündə kompleks yanaşma tələb edəcək. Burada həm infrastrukturun bərpası, həm də insanların ora qayıtmasından söhbət gedir. Təhsil müəssisələrinin bərpası, yalnız Təhsil Nazirliyinin deyil, digər aidiyyatı qurumların tapşırığı əsasında həyata keçiriləcək. Yeni yaradılan infrastruktur ən müasir tələblərə cavab verəcək və həmin ərazilərdə həyat dirçələcək.

Burada yüzlərlə məktəb və peşə təhsil müəssisəsindən  söhbət gedir. Onların bərpası addım-addım və planlı şəkildə  baş verəcək. Şad xəbər ondan ibarətdir ki, azad olunan bölgələrdə  daha yaxşı infrastruktur qurulacaq”.