Dövlət İmtahan Mərkəzi (DİM) Kembric ingilis dili üzrə qiymətləndirmənin rəsmi test mərkəzi olaraq ingilis dili müəllimlərinin xarici dili bacarıqlarını beynəlxalq səviyyədə təsdiq edən TKT (Teaching Knowledge Test) imtahanlarına qeydiyyatı elan edir.

Bu barədə AzEdu.az-a Mərkəzdən məlumat verilib. DİM “TKT Module 1”, “TKT Module 2”, “TKT Module 3”, “TKT Module YL”, “TKT Module CLIL” modullarını təqdim edir.

İmtahan 2022-ci il yanvarın 29-da keçiriləcək. Qeydiyyat üçün dekabrın 10-dək müraciət etmək olar.