Bu il Azərbaycanda tanınan xarici diplomların sayı açıqlanıb.

AzEdu.az xəbər verir ki, Təhsildə Keyfiyyət Təminatı Agentliyinin sədri Eldar Orucov keçirdiyi brifinqdə bu il diplomların tanınması ilə bağlı quruma 3 004 müraciətin daxil olduğunu deyib.

Onun sözlərinə görə, müraciətlərdən 76%-nə (2278) müsbət, 24 %-nə (726) isə mənfi cavab verilib: "Diplomların tanınması ilə bağlı ortalama müddət bu il 3 dəfə aşağı düşüb. Belə ki, 2018-ci ildə baxılma müddəti 50 gün, 2019-cu ildə 40 gün, 2020-ci ildə 43, bu il isə 18 gün olub".