UNESCO-nun “Təhsilin gələcəyi” adlı son qlobal məruzəsində ətraflı izah edildiyi kimi, gələcəyin dəyişdirilməsi bir-birimizlə, təbiətimizlə, eləcə də həyatımızı aşan, irəliləyiş imkanları təklif edən, ədalətlə, inklüzivliklə bağlı ciddi narahatlıqlar doğuran texnologiyalarla münasibətlərimizin təcili şəkildə dəyişdirilməsini tələb edir.

 

 

Bu il Beynəlxalq Təhsil Günü hər kəsin təhsilə əsas hüququnu həyata keçirmək və daha davamlı, inklüziv və dinc gələcək qurmaq üçün həyata keçirilməli olan ən vacib dəyişikliklərin nümayişi üçün platforma olacaq. Bu, ictimai təşəbbüs və ümumi xoşbəxtlik kimi təhsilin necə möhkəmləndirilməsi, rəqəmsal transformasiyanın necə istiqamətləndirilməsi, müəllimləri dəstəkləmək, planeti qorumaq və hər bir insanın potensialını açıqlamaq haqqında debatlara səbəb olacaq”.

 

 

Qeyd edək ki, Birləşmiş Millətlər Təşkilatının Baş Assambleyası 2018-ci ilin dekabr ayında sülh və inkişafın təmin edilməsində təhsilin vacibliyini qeyd etmək üçün bu günün təsis olunduğunu elan etmişdir. Beynəlxalq Təhsil Gününün qeyd edilməsi ilə bağlı qətnaməni 59 üzv dövlət qəbul edib. Bu, hamı üçün inklüziv, ədalətli və keyfiyyətli təhsilin təmin olunmasında dəyişdirici səyləri dəstəkləmək üçün sarsılmaz siyasi iradə nümayiş etdirmişdir.

 

 

Oruc Mustafayev, 

Araşdırmaçı-jurnalist