Məktəblilər  Vətən torpağının azadlığı uğrunda canından keçən şəhidlərimizin qəhrəmanlıq yolundan, onların döyüşlərdə göstərdiyi şücaətdən və  şəxsi həyatlarından bəhs edən musiqili səhnələrlə öz istedadlarını nümayiş etdirdilər. 

Onların səhnəcklərində Dədə Qorqud, Molla Pənah Vaqif ,  Azərbaycan torpağının  qəhrəmanları bir arada idi.  Dədə Qorqud obrazını Nadir  Tanrıverdiyev, Molla Pənah obraızını Davud Rzayev   yaratmışdılar. Məktəblilərin səhnəsindən  böyüklərə və həmyaşıdlarına örnək olan öyüdlər, alqışlar səslənirdi.  6 d sinifinin qızlarının rəqsi  isə əsil Zəfər notlarına köklənmişdi. 

Məmmədəli Həsənov  Vətən müharibəsi şəhidi , Salyanda doğulub boya-başa çatan  Sultan İbarhimovun obrazını təqdim etdi.

Sultanlı Hikmət və Nuray Axundova  Aprel döyüşlərində  şəhid olan  polkovnik Sənan Axundovun  döyüşə yola düşmə məqamını  səhnələşdirmişdilər.

45 saylı məktəbin 6 d sinfinin şagirdi  Mehriban Mirmövsümovanın  ifasında səslənən  “Xarı bülbül” və Zəfər nəğmələri də  məktəbə dəvət edilən qonaqların ruhunu oxşadı.

Balaca fidanlarımızın hazırldaıqları “Aprel döyüşləri: zəfərə  gedən yol” ədəbi-musiqili kompozisiyasının tamaşaçıları həm məktəbn müəllim və şagird kollektivi, şəhid Sultan  İbrahiovun valideynləri Malik və İlhamə İbrahimovalar,  aprel və Vətən müharibəsi döyüşlərinin iştirakçısı,  “Azərbaycan bayrağı”  ordenli  kəşfiyyat idarə rəisi polkovnik-leytenant  Etibar Camalov , Nərimanov rayonu Gənclər və İdman idarəsinin rəisi  Nəcəf Nəcəfov,  yazıçı Varis və araşdırmaçı jurnalist Aida Eyvazlı  idilər.

Tədbirdə iştirak edən  şəhidi Sultan İbarhimovun valideynləri  Vətən qəhrəmanlarını unutmadıqları, onların xatirəsini əbədiləşdirdikləri üçün 45 saylı məktəbin  şagirdlərinə və müəllimlərinə  ürək sözlərini dedilər. Tədbirdə iştirak edən qonaqlar da  məktəbin direktoru Nəcibə Axundovaya və müəllim heyətinə  məktəbəədə yaratdıqları  gözəl mühit və ab-havaya, təhsil şəraitinə, savadlı uşaqlar yetişdirdiklərinə görə minnətdarlıqlarını bildirdilər.  Yazıçı Varis “Qar üstündə ləkə”, jurnalist Aida Eyvazlı isə “Qalibiyyət: şəhidlər və şahidlər” kitabını   məktəblilərə hədiyyə etdilər. Nərimanov rayonu Gənclər və İdman idarəsinin rəisi dedi ki, Nərimanov rayonunda hər il şəhidlərin adı ilə bağlı idman turnirləri keçirilir. Bu ilin may ayında isə salyanlı qəhrəman şəhidimiz Sultan İbrahimlinin adına turnir təşkil ediləcək.

Tədbirin sonunda  məktəbin direktoru Nəcibə Axundova hərbi vətənpərvərlik “Şahinlər” oyununda  3-cü yeri qazanan şagirdlərə sertifikat və medallarını təqdim etdi.  Daha sonra  rəhbəri olduğu məktəbdəki yaradılan hərbi vətənpərvərlik ruhundan, təhsildə qazandıqları uğurlardan, eləcə də Aprel döyüşlərindən  Zəfərə qədər  yol gələn qəhrəmanlarımızdan, Ali Baş Komandan İlam Əliyevin şəhid və qazi ailələrinə göstərdiyi qayğıdan danışdı.