Ukraynanın Lisiçansk şəhərində yerləşən məktəblərdən biri atəşə tutulub.

AzEdu.az xəbər verir ki, bu barədə Ukraynanın Elm və təhsil naziri Sergey Şkarlet öz “Telegram” hesabında məlumat verib.

Nazir bildirib ki, bu zaman aralarında azyaşlı şagirdlərin də olduğu 23 nəfər məktəbin zirzəmisində gizlənib, nəticədə xəsarət alan olmayıb.

O qeyd edib ki, ölkədə uşaq bağçalarının, məktəblərin, universitetlərin dağıdılması statistikası hər gün artır. Bu günə olan məlumata görə, 102 təhsil müəssisəsi tamamilə dağıdılıb, 1412 müəssisə isə zədələnib.