Mayın 18-də təhsil nazirinin müavini Muxtar Məmmədov Litva Respublikasının təhsil, elm və idman nazirinin müavini Gintautas Yakştisin rəhbərlik etdiyi nümayəndə heyətini qəbul edib.

Bu barədə AzEdu.az-a Təhsil Nazirliyindən məlumat verilib. Bildirilib ki, görüş zamanı Azərbaycan Respublikası ilə Litva Respublikası arasında təhsil sahəsində əməkdaşlığın hazırkı vəziyyəti və perspektivləri müzakirə olunub. Tərəflər hər iki ölkənin ali təhsil müəssisələri arasında birbaşa əlaqələrin əhəmiyyətini vurğulayaraq, ikili diplom proqramlarının həyata keçirilməsi sahəsində əməkdaşlığa dair fikir mübadiləsi aparıblar.