Bunu AMEA-nın Milli Azərbaycan Tarixi Muzeyinin əməkdaşı, mərhum Prezident Əbülfəz Elçibəyin qardaşı qızı Səadət Məmmədova bildirib.

 

 

S.Məmmədovanın sözlərinə görə, rəhbərlik ona qərəzli münasibət göstərib və xəstəliyi, sosial vəziyyəti nəzərə alınmayıb: “2019-cu ildə AMEA-da ixtisarlar oldu və vəzifəmi laborant edib kitabxanaya keçirdilər. Halbuki mən tarix fakültəsini bitirmişəm, məqalələrim var, elmi işçi olmuşam. Sonra pandemiya oldu, bir müddət işə çıxmadıq. Ötən ilin iyul ayında yenidən AMEA-da struktur dəyişikliyi oldu, bu dəfə məni etnoqrafiya şöbəsinə laborant keçirdilər. Mənə kompüter vermədilər və işlə də təmin eləmədilər. Şöbə müdirinə deyəndə ki, məni işlə təmin elə, deyirdi sən elə qızlara məsləhət ver, elə bir iş yoxdur və kompüter yoxdur. Mən 2019-cu ildə 18 kitabı pasportlaşdırıb redaktə eləmişdim. Lakin bu işimə baxmadılar. Bir neçə gün əvvəl də dedilər ki, sən ərizəni yaz, çıx. Mən banklardan borc pul götürüb xaricdə tələbə oxuduram, üstəgəl də əlilliyim var. 30 ildən artıqdır ki, ikinci qrup əliləm. Məni qanunsuz, əlilliyimə baxmayaraq muzeydaxili attestasiya təşkil edərək işdən çıxarırlar. Akademiyada pensiya ilə bağlı yaş həddi də yoxdur. Bilmirəm məndən nə istəyirlər...”

 

 

Bakupost.az