Milli Məclisin Elm və təhsil komitəsinin sədr müavini,  tarix elmləri doktoru, AMEA-nın müxbir üzvü, professor Musa Qasımlının “Azərbaycan Respublikasının Tarixi” kitabının I və II cildi İstanbul Kent Universitetinin rektoru Nəcməddin Atsüyə təqdim edilib.

AzEdu.az xəbər verir ki, təqdimat “Azedu Academy”nin təşkilatçılığı ilə Türkiyədə həyata keçirilən Azərbaycan universitetlərinin sərgisində baş tutub.

Bakı Dövlət Universitetinin (BDU) nəşr etdiyi ikicildlik “Azərbaycan Respublikasının tarixi (1991-2021-ci illər)” kitabı universitetin böyük uğurlarından biri kimi dəyərləndirilir. Nəşrin elmi məsləhətçisi BDU-nun rektoru Elçin Babayevdir. 

Qeyd edək ki, sərgiyə İstanbul Kent Universiteti ev sahibliyi edib.