Dərsi daha yaxşı yadda saxlamağın çox sadə üsulları - ŞAGİRDLƏR ÜÇÜN FAYDALI

2022-10-08 11:59:00

Dərsi daha yaxşı yadda saxlamağın çox sadə üsulları - ŞAGİRDLƏR ÜÇÜN FAYDALI

Dərs öyrənərkən etdiyimiz ən böyük yanlışlardan biri, əksərən, mövzunu oxumaqla kifayətlənməkdir. Araşdırmalar göstərir ki, bu üsul dərsi kortəbii şəkildə əzbərləyərək, sadəcə növbəti gün üçün yadda saxlamağa kifayət edir.

Bəs məlumatı daha yaxşı yadda saxlamaq üçün nələri etməliyik?

AzEdu.az bu yazıda xarici KİV-ə istinadən asan yadda saxlama yollarını təqdim edir.

Öyrəndiklərinizi danışın

Bir mövzu ilə bağlı məruzəni dinləmək çox öyrədici metod olmasa da, onu söyləyən şəxs üçün olduqca faydalıdır.

Məqalə yazın

Öyrəndiyimiz mövzuyla bağlı yazılar yazmaq, qeydlər etmək, anladığınızı yazıya tökmək də xüsusi səmərə verəcək.

Müzakirə aparın

Hər hansı bir mövzu haqqında ətrafınızdakılarla müzakirə aparmaq, həmin mövzunun mənimsənilməsinə, daha yaxşı yadda saxlanılmağa kömək edəcək.

Öyrəndiklərinizi real həyatda tətbiq edin

Bir mövzunu mənimsəməyin ən yaxşı yolu, onu real həyatda tətbiq etməkdir.

Məsələn, hər hansı bir riyazi əməli, (məsələn, toplama-çıxma əməlini) gündəlik həyata tətbiq edərək daha yaxşı öyrənə bilərik.