Dağıstan Respublikasının paytaxtı Mahaçqalanın bütün orta məktəblərində dərslər yarımçıq dayandırılıb.

AzEdu.az xəbər verir ki, buna səbəb hüquq-mühafizə orqanlarına daxil olan zənglə məktəblərə partlayıcı qurğuların yerləşdirilməsi ilə bağlı xəbərdarlıq olub.

“Bütün orta təhsil müəssisələrindən şagirdlərin təxliyəsi təşkil edilib”, - Mahaçqala şəhər administrasiyasının yaydığı məlumatda qeyd olunur.

Bildirilir ki, hazırda xüsusi xidmət orqanlarının əməkdaşları məktəblərin ərazisində yoxlamalar həyata keçirirlər.

Oxu.az