Rusiya Federasiyasının tanınmış universiteti hesab olunan Moskva Dövlət Beynəlxalq Münasibətlər İnstitutu bütün tələbələri qızılca xəstəliyinə görə distant təhsilə keçirilib.

AzEdu.az saytı xəbər verir ki, bu barədə universitetin mətbuat xidmətinin məlumatında bildirilib.

Karantin iki həftə, iyunun 13-dək davam edəcək. Bununla belə universitet  imtahanların vaxtını dəyişməyi planlaşdırmır.

Bir tələbənin qızılcaya yoluxduğu məlumdur. "Rospotrebnadzor" onun kiminlə əlaqə saxladığını müəyyən etmək üçün epidemioloji araşdırma aparır. Əvvəllər qızılcaya qarşı vaksin vurulmamış və qızılca keçirməyən bütün tələbə və müəllimlər peyvənd olunur.