Türkiyəni Kars vilayətindəki Selim kəndində yaşayan 68 yaşlı Ayşən Arda Qafqaz Universitetinin İqtisadi və idari elmlər fakültəsində beynəlxalq münasibətlər ixtisası üzrə təhsil alır.

AzEdu.az xəbər verir ki, bu barədə Türkiyə KİV-ində yer alan məlumatda bildirilib.

2 övladı və 3 nəvəsi olan Ayşən Arda dərslərə cib telefonu ilə onlayn qatılır. Gündəlik işlərini bitirdikdən sonra o, internetin yaxşı tutduğu otaqlardan birinə çəkilir və dərsə bağlanır.

Ayşən Arda “həyat mənə təslim olmamağı öyrətdi. Yorulmaq, təslim olmaq, mübarizədən çəkilmək mənim prinsiplərimə ziddir. İndi təhsilimi bitirərək diplomumu almaq istəyirəm”- deyə bildirib.