Macarıstanın Miskolç Universitetinin (University of Miskolc) professoru Istvan Kunos Erasmus+ mübadilə proqramı çərçivəsində UNEC-də işgüzar səfərdə olub.

AzEdu.az xəbər verir ki, səfər çərçivəsində macar qonaq UNEC-in Beynəlxalq Əməkdaşlıq Departamentinin əməkdaşları görüşüb və hər iki universitet arasında ikitərəfli əməkdaşlığa dair fikir mübadiləsi aparıb. Professor UNEC-in Beynəlxalq İqtisadiyyat Məktəbinin tələbələrinə “Zamanın idarəolunması” (time-management) və “Yumşaq bacarıqlar” (soft skills) mövzularında mühazirə də deyib. 

UNEC-in infrastruktoru ilə tanış olan macar professoru müəllim və tələbələr üçün yaradılan şəraiti, eləcə də elektron tədris prosesinin təşkilini yüksək qiymətləndirib.