Bu gün başa çatan 2022-2023-cü tədris ilində orta məktəblərdə təhsil alan 1.707.279 şagirddən 98.649 nəfəri XI sinfi başa vurdu.
Məktəblərin “Son zəng”lə yola saldığı məzunlar arasında bəzi jurnalistlərin övladları da var.
AzEdu.az saytı məzun olan jurnalist övladları haqda təqdimat hazırlayıb. Yazını diqqətinizə çatdırırıq.
Modern.az saytının rəhbəri Elşad Eyvazlının kiçik oğlu Tuncay Bakıdakı 62 nömrəli məktəb-liseyin 11-ci sinfini bitirib.
***
“Kaspi” qəzetinin baş redaktoru İlham Quliyevin oğlu Fərid də XI sinfə əlvida deyən builki məzunlar sırasında yer alır.
***
Bakıvaxtı.az saytının baş redaktoru Qalib İbrahimoğlunun qızı Nərgiz Məmmədli XI sinfi bitirən məzunlar sırasındadır.
***
Bu gün Yenisabah.az saytının baş redaktoru Seymur Verdizadənin qızı Xədicə üçün də "Son zəng" səslənib.
***
Yeniçağ.az saytının əməkdaşı Araz Zeynalov da bu gün sevinən valideynlərdəndir. Həmkarımızın qızı Şəms 11-ci sinifdən məzun olub.
***
Tanınmış telejurnalist, məşhur “Qulp” verilişinin müəllifi və aparıcısı Mübariz Əsgərovun qızı Əsmər də bu il orta məktəblə vidalaşıb.
***
Vətəndaşlara Xidmət və Sosial İnnovasiyalar üzrə Dövlət Agentliyinin (ASAN xidmət) İctimaiyyətlə əlaqələr şöbəsinin müdiri Elnur Niftəliyevin qızı Gülnur Niftəli Akademik Zərifə Əliyeva adına liseyin məzunu olub.
***
“Azərsu” ASC-nin Mətbuat xidmətinin əməkdaşı Firidun Məhərrəmovun oğlu isə Bakıdakı Atatürk Liseyini bitirib.
***
“Azəriqaz”ın İctimaiyyətlə əlaqələr şöbəsinin rəisi Eldəniz Vəliyevin oğlu Amin orta təhsilini Türkiyədə tamamlayıb. O, İstanbuldakı Bakırköy Göksel Baktagir Güzel Sanatlar liseyində təhsilini başa vurub.
***
Azpost.info saytının baş redaktoru Xaqani Səfəroğlunun qızı Nəzrin 11-ci sinfi bitirdi, o, indi ali məktəbə hazırlaşır.
***
Bakı Dövlət Universitetinin Beynəlxalq jurnalistika və informasiya siyasəti kafedrasının dosenti Pərvanə İbrahimovanın oğlu Ərhan İbrahimli BDU nəzdindəki "Gənc istedadlar" liseyini bitirib.
***
Modern.az saytının əməkdaşı Elmar Hüseynovun isə qardaşı – Murad orda məktəblə həmişəlik sağollaşıb.
***
Tanınmış telejurnalistlər Həmid Herisçi və İlhamiyyə Rzanın oğlu İbrahim 102 saylı orta məktəbdən məzun olub.
***
Dia.az saytının rəhbəri Məhəmməd Ərsoy oğlu Domrulun 11-ci sinif məzunu olmağının sevincini yaşayıb.
***
"Space" televiziyasının aparıcısı Elçin Əlibəylinin qızı Gülçin Əlibəyli orta məktəblə vidalaşan məzunlardandır.
***
Redaktor.az saytının redaktoru İltifat Sultanovun qızı 11-ci sinfi bitirən məzunlar sırasındadır.
***
Bu gün məzun olanlar arasında tanınmış teleraparıcı Lalə Azərtaşın qızı Gülarə də var.
AzEdu.az orta məktəbdən məzun olan bütün gəncləri və valideynlərini təbrik edir, onlara ali məktəbə qəbul imtahanlarında uğurlar arzulayır...
