Sabah müəllimlərin işə qəbulu üzrə müsabiqənin ilk vakansiya seçimi mərhələsi yekunlaşır.

AzEdu.az-ın məlumatına görə, Təhsil İnstitutunun İnsan Resursları Mərkəzindən bildirilib ki, əvvəlcə vakant yer seçmək imkanı müsabiqədə minimum tələbi ödəyən şəhid ailələrinin üzvlərinə verilib.

Həmin namizədlər iyulun 25-i saat 11:00-dək şəxsi səhifələrinə daxil olaraq seçim edə bilərlər.

Vakansiya seçimi zamanı diqqətli olmaq tövsiyə edilir. Seçimi yekunlaşdırdıqdan sonra isə təsdiqləmək lazımdır.

Xatırladaq ki, iyulun 11-dən 15-dək keçirilən müəllimlərin işə qəbulu (MİQ) üzrə müsabiqənin test imtahanı mərhələsindən keçən 20 min 427 namizəd vakansiya seçiminə buraxılıb.

Bu il ümumilikdə 8860 yer vakansiyaya çıxarılıb.