Rumıniyanın Aurel Vlaicu Universiteti Erasmus+ mübadilə proqramı çərçivəsində qəbul elan edir.

Azedu.az xəbər verir ki, proqramda bakalavr, magistratura və doktorantura pillələrində təhsil alan UNEC tələbələri iştirak edə bilərlər.

Seçiləcək tələbə sayı: 2 nəfər

Müraciət üçün əsas şərtlər:

• Tələbənin ümumi orta balı (ÜOMG) 91-dən yuxarı olmalı;
• İngilis dili ən az B2 səviyyəsində olmalı.

Müraciət üçün son tarix: 10 oktyabr 2023-cü il

Tələb olunan sənədlər:

• Transkript (bütün semestrlər üzrə)
• CV (ingilis dilində)- İş təcrübəsi olanlar təcrübə keçdikləri qurumdaki rəhbərin əlaqə vasitələrini (tel.nömrəsi və e-poçt ünvanı) qeyd etməlidirlər.
• Xarici pasport (ilkin müraciət zamanı şəxsiyyət vəsiqəsi də keçərlidir)
• Niyyət məktubu (ingilis dilində)
• Müvafiq dil sertifikatı (olduğu təqdirdə IELTS, TOEFL və ya müvafiq fakültələrdə ingilis dilində təhsil aldığını göstərən sənəd).

Sənədlər göstərilən ardıcıllıqla bir “pdf” sənədi şəklində [email protected] elektron poçt ünvanına təqdim olunmalıdır (sənədləri ayrı-ayrı pdf sənədlərində göndərən tələbələrin müraciətlərinə baxılmayacaq).

Elektron məktubu göndərərkən başlıq hissəsində “Aurel Vlaicu Universiteti” yazılmalıdır.