Dövlət İmtahan Mərkəzi (DİM) əməkdaşların könüllü tibbi sığortası üçün açıq tender elan edib.

AzEdu.az xəbər verir ki, tenderdə iştirak haqqı 350 manat təşkil edir.

İddiaçılar ilkin sənədləri noyabrın 3-ü, saat 12:00-a qədər, tender təklifi və onun dəyərinin 1 %-i qədər bank təminatını isə noyabrın 15-i, saat 17:00-a qədər DİM-in Bakı şəhəri, Nəsimi rayonu, Akademik Həsən Əliyev küçəsi, 299 ünvanında yerləşən inzibati binasına təqdim edə bilərlər.

Təkliflərə noyabrın 16-sı, saat 12:00-da qeyd olunan ünvanda baxılacaq.

Hazırda bu xidmətləri Dövlət İmtahan Mərkəzinə "Azərbaycan Sənaye Sığorta" ASC göstərir. Bu sığorta xidmətinin dəyəri 190 min manat təşkil edir.