On yeddi yaşlı vyetnamlı məktəbli Nguyen Khuang Duy SAT üzrə 1590/1600 bal toplayaraq dünyada ən yaxşı nəticəni göstərib.

AzEdu.az Vyetnamın “VnExpress” informasiya portalına istinadla xəbər verir ki, imtahanının təşkilatçısı “College Board”ın məlumatına görə, Duyun əldə etdiyi nəticə dünyada SAT üzrə ən yaxşı nəticələrinin bir faizinə daxildir. Duy, həmçinin IELTS üzrə 8.0 bal toplayıb.

Vyetnam dahisinin ən böyük arzusu Hanoy Politexnik Universitetinə "İnformasiya texnologiyaları" ixtisası üzrə daxil olmaqdır.

SAT (Scholastic Aptitude Test) – iki sahədə – ingilis dili və riyaziyyatda abituriyentlərin ümumi təhsil səviyyəsini qiymətləndirən bakalavr proqramına Amerika kollec və universitetlərinə müraciət edənlər üçün qəbul imtahanıdır.